Moldakortasuna nagusi
Taldearen ahalmen teknologikoak aukera eman digu gure produktu-gaman hirietarako industria-ibilgailuak ere sartzen hastea.
Irizar ie truck %100 elektrikoa den kamioia da, merkatuaren behar desberdinei erantzuna ematen diona eta hirietan eta hiri inguruetan kutsadura atmosferikorik edo akustikorik sortu gabe ibiltzea ahalbidetzen duena. Emaitza hiri garbiagoa eta herritarrentzako ingurune jasangarriagoa da.
Irizar ie truck kamioia ez da konbentzionala. Egungo kamioien kontzeptu estetikoak gainditzen dituen estetika du, Irizar markako gainerako produktuen diseinua gogora ekartzen duena.
Hiri-inguruneetan jarduteko diseinatutako produktu bat da. Haren ezaugarri nagusiak, diseinu estetiko leunaz eta berritzaileaz gain, erabiltzaileen segurtasuna eta ergonomia, teknologia eta merkatuaren premietara egokitzeko malgutasuna dira.
Irizar ie truck ibilgailua segurtasun aktiboko azken teknologiaz dago hornituta. Hortaz, honako elementu hauek ditu: egonkortasun-kontrola, esekidura egokitzeko nibelazioa, oharkabeko errei-aldaketaren abisua eta larrialdi-balaztaketarako laguntza.
Segurtasun pasiboari dagokionez, eskailera-maila bat soilik dago kabinan sartzeko. Beraz, gidariak eta laguntzaileek sarbide segurua dute. Hain zuzen, sarbide-altuerarik txikieneko ibilgailua da gaur egun merkatuan.
Arreta berezia jarri da gidariaren postuan: aginte-mahaiko aginte eta kontrol guztien zein pantailaren irismen ergonomikoa eta ikus-eremuaren baldintza ezin hobeak.
Irizar ie truck kamioiak trakzio elektrikoa du. Beraz, hirietan eta hiri-inguruneetan ibil daiteke, kutsadura atmosferikorik eta akustikorik sortu gabe. Zarata gutxi sortzen duenez, lanak goizean goiz edo gauez egiteko erabili ahal izango da; alegia, auto-pilaketarik handieneko orduak saihesten lagundu dezake.
Taldearen autobus elektrikoetan erabilitako teknologia berak ditu: trakzio elektrikoa, energia biltegiratzeko sistemak eta kontrol-elektronika, baita gainerako sistema guztiak ere.
Irizar ie truck kamioia hiriko zein hiriarteko inguruneetan zirkulatzeko pentsatuta dago. Txasisaren diseinuari esker, gaur egungo karrozeria guztiak instala daitezke, ia egokitzapenik egin gabe. Aurreikusitako erabilerarako Taldeak espezifikoki garatutako ardatzei eta direkzioari esker, karga- eta maniobragarritasun-ahalmen handiak ditu kamioiak.
Bertsioak
Irizar ie truck 4x2
4.000/4.500/5.000 mm
Ardatzen arteko distantzia
8,5 eta 10,5 bitartean
Zurrunaren pisua (t)
160 kW
Motor elektrikoa
3.000 Nm
Par
130-300 kWh
Bateria-gaitasuna
250 Km arte
Autonomia
1-2h bitartean 150 kW-etara
Karga-denbora
370 mm
Kabinako eskailera-mailaren altuera
3.665 mm
Kabinaren gehieneko altuera
Irizar ie truck 6x2
3300/3500/3700/3850/4000/4500 mm
Ardatzen arteko distantzia
10,5 eta 12,5 Tn bitartean
Zurrunaren pisua (t)
240 kW
Motor elektrikoa
3600 Nm
Par
130-400 kWh
Bateria-gaitasuna
250 Km arte
Autonomia
1-3h bitartean 150 kW-etara
Karga-denbora
370 mm
Kabinako eskailera-mailaren altuera
3.665 mm
Kabinaren gehieneko altuera