Irizar ie truck belaunaldi berriak diseinu guztiz berritua du, teknikoki eguneratua dago lege-eskakizun berriak betetzeko eta optimizatua hiri-inguruneko era guztietako aplikazioei etekin handiagoa ateratzeko.
Irizar ie truck kamioi % 100 elektrikoa da, merkatuaren hainbat beharrizani erantzuten diena eta hirietan eta hiri-inguruetan kutsadura atmosferikorik eta akustikorik sortu gabe ibiltzeko aukera ematen duena. Emaitza hiri garbiagoa da, eta ingurune iraunkorragoa herritarrentzat.
Diseinua, Irizar markako produktu guztien ikono eztabaidaezina, kamioi honen ezaugarri nagusietako bat da: estetika apurtzaile, erakargarri eta irisgarria duen ibilgailua.
Irizar ie truck berriak eskailera-maila irisgarri bat du, eta horrela gidariaren eta bere laguntzaileen segurtasuna bermatzen du 370 mm-ko altueran. Hori dela eta, Irizar ie truck egungo merkatuan sartzeko altuera txikiena duen ibilgailua da.
Irizar gama osoan bezala, segurtasuna funtsezkoa da gidariaren postua garatzeko, ergonomia eta ikuspena nagusitzen baitira gidatzeko orduan. Segurtasun aktiboa ere indartu da, hainbat elementu teknologikoren bidez.
Eserlekuaren kokapen baxuak eta aurrealdeko, alboetako eta ateetako beira handiek aurrekaririk gabeko ikuspen zuzeneko baldintzak sortzen dituzte.
Kamioi-belaunaldi berriaren kabina berriak, baxuagoa eta laburragoa, are gehiago indartzen du malgutasunaren eta moldakortasunaren ideia. Hiriko eta hiriarteko zerbitzuetarako aukera eta aplikazio ugari eskaintzen ditu.
Taldearen teknologiak ditu trakzio elektrikoan, energia-biltegiratzean eta kontrol-elektronikan.
