Irizarren autobus artikulatu batek, % 100 elektrikoak, urtero atmosferara 120 tona CO2 igorpena eragozten du.

Teknologia elektrikoak ez du errekuntza-motorren zarata sortzen. Hain zuzen, autobusak gelditzen eta berriz martxan jartzen direnean, kanpoko soinua nulua da (0dBA). Martxan dagoenean, Irizar ie busaren soinua % 20 txikiagoa da.

Gure langileen konpromisoaren sustapena ingurumen-, gizarte, eta ekonomia-jasangarritasunari dagokionez.

Lantegi horrek kontsumitzen duen energia guztia Arabako energia fotovoltaikoko zentro batean ekoizten da. Hortaz, energia guztiz jasangarria erabiltzen duen lehen lantegia da Europan.

Energia-eraginkortasuna hobetzen, hondakinen tratamendua optimizatzen, eta gure jarduerak eta gure produktuek ingurumenean duten eragina txikitzen ari gara.

Etengabe berraztertzen ditugu gure berrikuntza-proiektuak, ohikoen ordez ingurumena hobeto zaintzen duten teknologiak eta materialak erabili nahian, eta material horiek arinago bihurtzeko, kontsumoa eta atmosferarentzat kaltegarriak diren gasen igorpenak txikitze aldera.

Irizar da produktuaren ingurumen-adierazpeneko proiektu bati hasiera eman dion lehen enpresa sektorean mundu-mailan. Horri esker, hainbat motatako datuak lortuko ditu; besteak beste, berotze globalean eta baliabideen agortzean duen eraginari buruz, baliabide fosilen eta berriztagarrien energia-kontsumoei buruz, fabrikazio-prozesuaren igorpen kutsatzaileei buruz eta substantzia arriskutsuei buruz.