Bidaiari-lekuaren barrualdea diseinatzerakoan, bidaiarien jokabideak eta hiri-ibilgailuarekin duten interakzioa izan ditugu kontuan, baita bizimodu desberdinak eta etorkizuneko joerak ere.
Bidaiariaren irisgarritasuna, segurtasuna, barne-mugikortasuna eta erosotasuna dira gure ibilgailuen barne-arkitekturaren inspirazio-iturri. Haien barruko LED argiztapen eta erdiko bobedarekin batera “open Air” gisa, erabiltzaileari zabala, atsegina eta segurua den ingurune batera eramaten dion argiztapena ematen dute.
Irizar e-mobility autobusen bidaiariek Irizar gamako gainerako autobusetan dagoen erosotasun termiko berdinaz gozatzen dute.
Eserlekuak ingurune argitsu eta atseginetan jartzea proposatzen ditugu, adibidez, ikasleentzako; garraio publikoko sare guztietan atzealdean esertzea nahiago dutela ikusi dugulako, alegia. Jarlekuen antolamenduak zein konfort-mailak eta oinarrizko erosotasun- eta segurtasun-elementuen erabilerak gizarte-kohesioaren ideiara hurbiltzen gaituzte.
Bidaiarien entretenimenduari eta informazioari dagokionez, hainbat soluzio instalatzeko aukera eskaintzen ditugu: USB kargagailuak, WiFia, braillez adierazitako pultsadoreak, fardeltokia, multimedia-pantailak, bidaiariak informatzeko aplikazio mugikorrak, barne-biniloak, etab.
