Irizar ie bus berria hiri-autobus elektrikoen sektorean dugun 15 urte baino gehiagoko esperientzian oinarrituta diseinatu da. Ibilgailu erabat elektrikoa da, efizientzian, gaitasunean, irisgarritasunean, erosotasunean, segurtasunean eta jasangarritasunean aurrerapen garrantzitsuak dituena.
Egitura kontzeptu berri bati esker, 1.000 kg inguruko pisua arindu dugu, eta, horri esker, bidaiarien edukiera %5 handitu da aurreko belaunaldiarekin alderatuta.
Gidarien erosotasunean pentsatuz, gidarien guneko klimatizazio independentea hobetu dugu, une oro sentsazio optimoa ziurtatuz. Irisgarritasunari dagokionez, eredu berriak ate eta korridore zabalagoak ditu, bai eta bidaiari fluxu optimizatuak ere, eta horrek sarbide errazagoa, erosoagoa eta inklusiboa bermatzen die pertsona guztiei.
Bidaiarien esperientzia hobetzeko asmoz, Irizar ie bus berriak espazio handiagoa eta argitasun hobea eskaintzen du, bidaiarientzat giro erosoagoa eta atseginagoa sortuz.
Motor trinkoagoa, belaunaldiko berriko bateria eraginkorragoak eta kudeatzaile termiko berri bat sartzeak, besteak beste, energia kontsumoa %10eraino murriztea ahalbidetu dute, aurreko belaunaldikoekin alderatuta.
Autobus berri honek merkatuan indarrean dauden araudi zorrotzenak betetzen ditu, une oro segurtasun handiena bermatuz.
Plataforma berri honetan, jatorri birziklatuko materialen erabileran aurrerapen nabarmena lortu dugu, bikoitza aurreko plataformarekin alderatuta. Mugarri horrek garraioaren jasangarritasunarekin eta etorkizunarekin dugun konpromisoa islatzen du.
