Proiektuak

Proiektuak

Gaur egun, Irizar Taldeak aktiboki jarduten du hirien elektrifikazioaren eta bidaiarien garraio publikoaren etorkizunerako oso garrantzitsuak diren Europako proiektuetan. Nazioarte-mailako dimentsio hori Taldearen zenbait proiektutan islatzen da: gidatze autonomoa, energia biltegiratzeko sistemen hobekuntza, energia-eraginkortasuna, karga-sistemen estandarizazioa, konektibitatea, big data eta adimen artifiziala dira; hots, garraio garbi, eraginkor, azkar, estandarizatu, adimendun eta konektatu baten belaunaldi berrian funtsezkoak diren proiektuak.

Gidatze autonomoa

AUTOMOST proiektuaren (“Gidaketa automatizatua garraio dualeko sistemarako”) helburua ibilgailuak hiri- eta industria-garraiorako automatizatzeko teknologiak garatzea da, ibilgailuen eraginkortasuna, segurtasuna eta jasangarritasuna nabarmen handitze aldera. Espainiako Ekonomia Ministerioaren CDTIren (Garapen Teknologiko eta Industrialeko Zentroa) programak finantzatuta dago. Dual-mode autobus baten erakuslea anezka komertzial gisa erabiliko da Malagako portuko gurutzaontzien terminalean. Probak zenbait hilabetetan egingo dira, benetako trafikoko baldintzetan.

AUTODRIVE Europako Batzordeak finantzatutako programa bat da. Hartan, automobilgintzaren sektoreko 40 enpresaren baino gehiagoren partzuergo batek hartzen du parte. AirDrive programan, Europako erdieroaleen industrian aitzindariak diren enpresak, hornitzaileak, fabrikatzaileak eta ikerketa-zentroak biltzen dira, gidatze autonomorako estandarrak sortzeko eta osagaiak eta azpisistemak eskaintzeko masa kritikoa duen ekosistema paneuropar bat eratzeko. AutoDrive programaren emaitzek ekarpen nabarmena egingo dute mugikortasuna seguruagoa eta eraginkorragoa izan dadin.

Energia-eraginkortasuna

EBSF2 (European Bus System Of The Future 2)

European Bus System of the future 2 proiektua Europako Batzordearen H2020 programak finantzatutako proiektua da. Haren helburua autobusen sistemen eraginkortasuna eta autobus elektrikoen energia-kontsumoen murrizketa uztartzen dituzten soluzioak garatzea eta baliozkotzea da. Gaur egun, ibilgailu elektrikoen energia-eraginkortasuneko teknika aurreratuak (A/C sistema, ekolaguntzailea eta elementu osagarrien kudeaketa adimenduna) frogatzen ari dira. Europako erakusle handi horretan, Irizarrek gidatze eraginkorrerako laguntzaren esparruan garatutako teknologiak probatzen ari dira, besteak beste.

Energia-biltegiratzea

SADE: Safe Storage Systems

Energia, Turismo eta Agenda Digitaleko Ministerioak parte hartu du proiektu horren finantzaketan, Ikerketa Zientifikoko, Garapeneko eta Berrikuntza Teknologikoko Plan Nazionalaren baitan. Proiektuan, battery-pack soluzio bat ikertu eta garatu nahi da, aukerako karga-estrategiari begira, hiri-mugikortasunean. Prototipo funtzional bat garatuko da, laborategian baliozkotu eta probatu beharrekoa.

Karga azkarreko eta adimenduneko azpiegiturak

ASSURED: Karga azkarreko eta adimenduneko azpiegiturak ibilgailu handientzat.

ASSURED proiektuaren proposamenak Green Vehicle lan-programaren «Ibilgailu komertzial elektrikoen integrazioa karga azkarreko azpiegituran» ildoa lantzen du. EBko 12 herrialde kidetako 40 parte-hartzaileko osatutako partzuergo bat arduratuko da lana gauzatzeaz.

ASSURED proiektuaren helburu orokorra hirien, operadoreen eta azken erabiltzaileen beharrak aztertzea da, hiri-inguruneetan erabiltzeko belaunaldi berriko ibilgailu elektriko astunen (hala nola, autobusak), karga ertaineko kamioien eta ibilgailu arinen ezaugarriak eta eskakizunak ondorioztatzeko.

Horri esker, kostuak hobetzea lortuko da, baita ibilgailu elektrikoetarako tentsio handiko karga modularreko sistemen belaunaldi berria eta karga kudeatzeko estrategia berritzaileak garatzea ere.

Konektibitatea - Big data

eFleet

Gaur egungo teknologiarekin, hiri-autobusen bidezko garraioa elektrifikatzeko helburuak ezin dira lortu. Premisa horretatik abiatuta, Irizar Taldeak eFLEET proiektua proposatzen du, beharrezko teknologiak eta estrategiak garatzeko, eMobilityko soluzio modularrak, malguak eta eskalagarriak (% 100 elektrikoak diren autobusetan oinarritutako hiri-garraio publikoa) sortze aldera. Soluzio horien bidez, autobus elektrikoen flota ertainak eta handiak masiboki zabaltzea bideragarria izan dadin lortu nahi da, sare elektrikoan inpaktu txikiagoa izate, eta hasierako kostuak eta eragiketa-kostuak gutxitzeko. eFLEET proiektua erronka estrategiko handia da, Irizar Taldeak, 2011z geroztik goraka ari den merkatu horretan kokatzen ari denak, haren mugak desblokeatzea baitu helburu.

e-WASTE

Proiektu honen bidez, ingurumenarekiko jasangarria den hondakin-bilketarako zerbitzu berri bat eskainiko zaie hiriei, elektromugikortasun-teknika berrien ikerketan oinarritua. Horren ondorioz, kamioi hibrido berri bat sortuko da, eta algoritmo adimendunak erabiliko dira hiriguneen barruan% 100 elektrikoa izango dela bermatzeko. Gainera, sarbide publikoan kargatzeko azpiegituren ezarpenari esker, proiektu honek jasangarritasunean, eraginkortasunean eta energia garbiaren erabileran oinarritutako hiri-garapena sustatuko du, horiek baitira Smart City kontzeptuaren funtsezko zutabeak.

Bestalde, proiektu honen garapenari esker, industria-ibilgailu astunen elektrolinerak zabaltzeko behar diren ezagutzak lortuko dira, bai estatuan, bai nazioartean. Helburu hauek lortu behar dira:

Ibilgailu industrial hibrido bat lortzeko teknologiak garatzea, biltegiratze-sistema iraunkorragoak, motorraren kontrol eraginkorragoak eta trakzio-sistema eta HW optimizatuak izango dituena.
Eskari publikoaren araberako birkarga-sistema berri bat, elkarreragingarria eta kudeatua, karga-potentzia handitu eta hobetuko duena, flotekin koordinatutako energia-kudeaketa optimizatuarekin.

Eusko Jaurlaritzako Ekonomiaren Garapen eta Azpiegitura Sailak (HAZITEK programa) eta Eskualde Garapeneko Europako Funtsak (EGEF) finantzatutako proiektua.

Hiri garraioa deskarbonizatzeko, digitalizatzeko eta automatizatzeko soluzio berritzaileen ikerketa industriala, zero emisioko autobusekin

DIGIZITY

Europar Batasunak finantzatutako proiektua –NextGenerationEUk , 2021erako Automozio Iraunkorreko Programa Teknologikoaren deialdiaren bidez, Berreskuratze, Eraldaketa eta Erresilientzia Planaren eta Ikerketa Zientifiko, Tekniko eta Berrikuntzako 2021-2023 Estatuko Planaren Berrikuntza eta Enpresa Lidergoa Katalizatzeko Estatuko Programaren esparruan, Garapen Teknologiko eta Industrialerako Zentroak (CDTI) sustatua.

Bazkide parte-hartzaileak: AVANZA SPAIN, S.L., IDNEO TECHNOLOGIES, S.A., INTERNACIONAL HISPACOLD, S.A., IRIZAR, S.COOP., JEMA ENERGY, S.A. y TELNET REDES INTELIGENTES, S.A.
Ikerketa-erakundeak: ITAINNOVA – Instituto Tecnológico de Aragón, Fundación TECNALIA Research & Innovation y CTAG – Centro Tecnolóxico de Automoción de Galicia.

iPOWER4.0 proiektua

IPOWER4.0 proiektua, "Digital-Modelled Intelligent powertrain for connected electric bus" izenekoa, SPRIk finantzatu du HAZITEK 2018 programan. Proiektu horretan, Irizar e-mobilityk parte hartzen du Irizar, Jema, Datik, Alconza, ITS eta Virtualware-rekin batera.

Proiektuaren helburua da autobusak fabrikatzeko prozesuak digitalki eraldatzeko eta produktu/zerbitzu berriak sortzeko ezagutza ikertzea eta sortzea, ibilgailu elektrikoen hirugarren belaunaldia errealitate bihurtzeko.

CYBADEK proiektua

SPRI Enpresa Garapenerako Euskal Agentziak (HAZITEK 2019) finantzatu du CYBADEK proiektua, "Etorkizuneko lurreko garraioaren azpiegitura segurtasunez garatu eta ustiatzeko teknologiak" izenekoa. Proiektu horretan parte hartzen du Irizar e-mobilityk, honako hauekin batera: Serikat, Alse, Datik, Eurocybcar, Masermic, S21sec, Sabico eta Tesec.

Proiektuaren helburua da CPSoS (Cyber Physical Systems of Systems) izeneko hiru teknologia multzo zehatz hornitzen aurrera egitea: Ibilgailuak, Azpiegitura eta Zerbitzuak. Horretarako, paradigma-aldaketarako azken belaunaldiko irtenbideak ikertuko dira, CPSoS deiturikoak ahalbidetuko dituztenak, partzuergoari aipatutako sistema ziber-fisikoetara hurbiltzeko aukera emango diotenak, lurreko garraioaren sektorera eta haren azpiegiturara bideratuta.

COACH2 proiektua

COACH2 proiektua, errepide bidezko distantzia luzeko bidaiarien garraioa erregai-pilaren propultsio-sistemaren bidez deskarbonizatzeko soluzioak, SPRIk finantzatu du HAZITEK 2021 programan.

Helburua zero isuriko distantzia luzeko autokarren merkatua gidatzea da, ibilgailuaren propultsio-, biltegiratze- eta egitura-soluzioak zehaztuko dituzten ikerketa-lanak eginez. Horri esker, enpresa-taldeak propultsio-distantzia luzeko autokar berri bat fabrikatu ahal izango du hidrogenozko erregai-pilaren bidez.

NGE-BUS proiektua

NGE-BUS proiektua, hiriko autobus elektrikoaren belaunaldi eraginkor berria, SPRIk finantzatu du HAZITEK 2022 programan.

Helburua hiriko autobus elektrikoaren plataforma espezifiko berri bat garatzea da, eraginkortasun energetikoa, ibilgailuaren autonomia eta gaitasun dinamikoa maximizatzeko, IRIZAR e-MOBILITYri merkatuaren abangoardian egoteko aukera emango diona.

Eusko Jaurlaritzako Ekonomiaren Garapen eta Azpiegitura Sailak (HAZITEK programa) eta Eskualde Garapeneko Europako Funtsak (EGEF) finantzatutako proiektua.

BAT3 proiektua

ENERGY segmentuko elektromugikortasunaren sektorerako bateria-belaunaldi berriaren BAT3 proiektua SPRIk finantzatu du HAZITEK 2022 programan.

Helburua IRIZAR E-MOBILITYren baterien sorta handitzea da, ENERGY segmentuan elektromugikortasunaren sektorerako hirugarren belaunaldiko baterien ikerketari eta garapenari esker.