Image

Irizar e-mobilityk Bilboko SUM Nazioarteko Biltzarrean parte hartuko du

Aduna, 2021eko urriaren 6a

Irizar e-mobility-k SUM Bilbao Nazioarteko Kongresuaren bigarren edizioa babestuko du berriro, eta hiri-mugikortasun jasangarri eta adimendunaren arloan duen esperientzia eta aurrerapen teknologikoak erakutsiko ditu.

Bilboko Udalak eta Petronorrek antolatutako kongresuaren helburua hirietako mugikortasunaren erronkak eta aukerak aztertzea eta mundu osoko hirietako arrakasta kasuak ezagutaraztea da.

Irizar e-mobility Bilbon izango da. Bigarren aldiz, Nazioartean erreferentziazkoa den SUM Biltzarra egingo da, liderrei, erakundeei eta enpresei zuzendua. Kongresuaren helburua alderdi estrategikoei buruz eztabaidatzea, esperientziak eta irtenbideak trukatzea eta etorkizuneko mugikortasuna eraikitzen laguntzea da, ikuspegi jasangarri batetik, Irizar Taldearen estrategiarekin erabat bat datozen ardatz tematikoak.

Topaketak bost kontinenteetako 90 aditu baino gehiago bilduko ditu eta hiri-mugikortasunarekin lotutako gai garrantzitsuenak landuko dituzte, hiriek mugikortasun iraunkorragoa sendotzeko dituzten erronkak eta aukerak aztertuko dituzte eta mundu osoko hirietako kasu arrakastatsuak ezagutaraziko dituzte.

Irizar e-mobilityk bi ponentziatan parte hartuko du, eta elektromugikortasuneko soluzioen inplementazioan duen esperientzia azalduko du; horien artean, nabarmentzekoak dira BRT giltza eskura proiektuak abian jartzea Europako hainbat hiritan, bai eta gidaritza autonomoko bere proiektua abian jartzea ere.

Antolakuntzak, gainera, Irizarren zero igorpeneko ie tram autobus elektrikoa baliatuko du, Euskalduna Jauregiaren kanpoaldean egongo dena inaugurazio egunean, eta haren teknologia eta ingurumen aurrerapenak erakusteko aukera emango duena.

Gainera, urriaren 6, 7, 8 eta 9an, Bilboko herritarrek Arriaga Antzokiaren aurrean ikusgai egongo den Irizar ie tram 12 metro luzeko autobusa bertatik bertara ezagutzeko eta bisitatzeko aukera izango dute. Ibilgailua Irizar Taldearen teknologiarekin diseinatua dago; irisgarria eta konektatua da eta segurtasun aktiboko hainbat funtzionalitate eta ikusmen funtzionalitateak ditu;  ITxPT protokoloei esker, IT funtzionalitateen elkarreragingarritasuna errazten da garraio publikoan.

Bilbao 2021 adierazpena kongresuan sinatuko da, eta Irizar e-mobility adierazpenari atxikiko zaion erakundeetako bat izango da, hiri mugikortasuneko eredu jasangarriagoak eraikitzeko bere konpromisoa erakutsiz.

 

 

Mugikortasun iraunkorra funtsezko faktorea da trantsizio energetikoan eta  GIHak eta Nazional Batuen 2030 Agendako helburuak lortzeko. Horregatik, Irizar e-mobilityk giltza eskura erako elektromugikortasuneko soluzioak diseinatzen eta fabrikatzen jarraitzen du, garraio publiko jasangarri, eraginkor, adimendun, irisgarri, seguru eta konektatu baterako. Emisio kutsatzaileak, soinudunak eta CO2arenak murriztea du helburu, hiri garbiak sortzeko eta herritarren bizi kalitatea hobetzeko.

Madrilgo EMTk konfiantza osoa jarri du berriz ere Irizar e-mobilityrengan eta 30 autobus elektriko gehitu ditu bere flotan

Aduna, 2021eko irailaren 24a

Madrilgo Udal Garraio Enpresak (EMT) tinko jarraitzen du bere autobus flota elektrifikatzeko konpromisoarekin, eta laugarren aldiz 30 autobus elektrikoren eskaera esleitu dio Irizar e-mobilityri. Azken eskaera honekin, Madrilgo EMTk Irizar markako eta zero igorpeneko 85 autobus izango ditu, guztira, bere flotan.

Berriz aukeratu dute Irizar ie bus modeloa, 12 metroko luzerakoa, zeina Madrilgo bideetatik dabilen 2019az geroztik. Zero igorpeneko autobus guztiz segurua da, irisgarria, autonomia eta eraginkortasuna behar bezala egiaztatuta dituena, eta pertsonalizatzeko aukera handiak eskaintzen dituena.

Ibilgailuek Irizar bateriak izango dituzte, eta 2 ate, bidaiarientzako 28 eserleku, gidarientzako besaulki bat eta 2 gune aulki gurpildunentzat. Irizar e-mobilityk, halaber, Jema Energy etxeko (Irizar Taldeko enpresa) ECI-100 kargagailu elkarreragile hornituko ditu, 100 kWeko karga adimenduneko sistemarekin. Horiei esker, hiru orduan kargatuko dituzte ibilgailuak Combo 2 kargatze hargunearen bidez. Pantografo alderantzikatu baten bidez kargatzeko aukera ere izango da. Ibilgailuek Irizar Taldeko Datik enpresaren telemonitorizazio sistema izango dute.

Autobus horiek lagungarriak izango dira Madrilgo hiria sustatzen ari den iraunkortasun helburuak lortzeko, eta, horrez gain, madrildarrei onura izugarriak ekarriko dizkiete ingurumenari eta zaratari begira.

 “Madrilgo EMT erreferentea da munduan elektromugikortasunari dagokionez, eta harro gaude haren iraunkortasun estrategian laguntzeaz, lehendik daukan flotari hogeita hamar ibilgailu berri gehituz”, adierazi du Imanol Rego Irizar e-mobilityko zuzendari nagusiak.

Irizar e-mobilityk autobus elektrikoen Europako kontratu handienetako bat lortu du Pariserako

Aduna, 2021eko uztailaren 28a

Irizar e-mobilityk akordio marko bat sinatu du RATPrekin (La Régie Autonome des Transports Parisiens), zero igorpeneko autobus elektrikoz hornitzeko. Autobus elektrikoak erosteko Europako proiektu handienetako bat da.

Irizar e-mobilityk frantses merkatuan sendotzen jarraitzen du eta Paris izango da bere autobus elektrikoen hurrengo helmuga nagusia.

Zero igorpeneko autobus %100 elektrikoak izango dira, Irizar ie bus modeloko belaunaldi berrikoak. Lehen bi urteetan, Irizar e-mobilityk modelo honetako 113 unitate entregatuko ditu.

Ibilgailu horiek 12 metroko luzera dute, 350 kWh-ko Irizar bateriak izango dituzte, eta zama geldoaren bidez kargatuko dira kotxetegietan. Elektronika, komunikazioak, eta osagai nagusiak nahiz sistemak Irizar taldearen teknologia dira, zeina aitzindaria izan baita bisio holistikoa duten elektromugikortasun soluzioak ematen hirientzako.  

Eskerrak eman nahi dizkiogu RATPri, autobus-flota berritzeko gugan jarri duten konfiantzagatik. Paris bezalako hiri batean gure elektromugikortasun soluzioak inplementatu ahal izatea, mundu mailan elektromugikortasunean erreferente den hirian, erronka handia da guretzat eta ezin gara harroago egon. Zalantzarik gabe, oso proiektu anbiziotsua da, Frantziako merkatuko gure posizionamenduan aurrerapauso izugarria. Soluzioak eta giltza eskura erako zerbitzuak eskaintzeko gure estrategia berresten du, hala garraio iraunkor, eraginkor, adimendun, irisgarri, seguru eta konektatua lortzeko" adierazi du Imanol Rego, Irizar e-mobilityko Zuzendari Nagusiak.

Bere estrategiaren ondorioz, Irizar e-mobilityk salmenta ondoko zerbitzu bat izango du Parisen, teknikari adituek eta han kontratatutako pertsonek kudeatua, eta, horrela, aldi berean, tokiko aberastasuna eta enplegua sortzen lagunduko du.

Autobus isil eta ingurumenarekiko begirunetsu hauekin, Irizar e-mobilityk trantsizio energetikoa egiten eta Paris hiriaren asmo handiko helburuak lortzen lagunduko du. Proiektu hau Île-de-France Mobilités-ek finantzatutako RATPren Bus2025 programaren barruan sartzen da. Programa horrek RATPek operatutako autobus guztiak elektrikoetara eta biogasera bihurtzea du helburu 2025erako. Plan horrekin, RATPren karbono aztarna % 50murriztuko da (2015eko erreferentzia*).

Irizarrek sendo jarraitzen du frantses merkatuaren aldeko apustuarekin. 2016an, Marseillako lehen linea 100% elektrikoa jarri zuen martxan, Irizarko sei autobus elektrikorekin.  Hiri honek bigarren aldiz eman dio konfiantza Irizarri autobus flota berritzeko. Hiru urte beranduago Amiensen asmo handiko proiektua iritsi zen, BRT flota elektrikoa, karga ultra azkarreko Europako flota interoperable handiena. Urte berean, Irizarrek beste bi BRT proiektu jarri zituen martxan Aix-en-Provence hirian eta Baionan. Itxitako azken kontratuak Orleans eta Estrasburgoren eskaerak izan dira. Zalantzarik gabe, Parisek egindako eskaera honekin, Irizarrek Frantziako merkatuan duen lidergoa indartu du, eta bere markaren apustu estrategiko indartsuarekin eta Frantzian pertsonalizatutako proiektuekin jarraitu du.

Irizarrek eta Iberdrolak mugikortasun elektrikoa bizkortu dute: hiri-garraioaren elektrifikaziorako eta energia berdearen hornidurarako akordioa

Aduna, 2021eko uztailaren 20a

  • Hirietako autobus-floten elektrifikazioarekin, autobus baterien birziklatzearekin eta berrerabilpenarekin eta birkarga adimenduneko azpiegituraren hedapenarekin lotutako proiektuetan lan egingo dute.
  • Aliantzak I+G programak, proiektu erakusleak eta eremu honetako teknologia berrien garapena ere esploratuko ditu.
  • Irizar taldeko Irizar e-mobilityk autobus elektrikoak fabrikatu eta merkaturatzen ditu, iraunkortasunarekin eta ingurumenarekin duen konpromisoaren esparruan.
  • Iberdrolak 150.000 birkarga puntu dituen mugikortasun iraunkorreko plan bat hedatu du, eta ibilgailu elektrikoaren eta haren bizitza zikloaren ekoizpen prozesua deskarbonizatzeko fabrikatzaileekin batera ari da, energia berriztagarrian oinarrituta.

Irizarrek, Irizar e-mobility filialak eta Iberdrolak azkartu egin dute mugikortasun elektrikoaren aldeko apustua, eta lankidetzarako akordio marko bat sinatu dute. Jarduerak bateratuko dituzte autobus garraioaren elektrifikazioan berrikuntza teknologikoa lortzeko eta hiri mugikortasunaren arloan berehalako deskarbonizazio erronkei irtenbideak emateko, autobus-flotak elektrifikatuz eta kargatzeko azpiegitura gehituz.

Aliantza hasi da Iberdrolari jatorrizko bermedun hornidura berriztagarria (GdOs) esleitzearekin Irizarren fabriketan, autobusen bizitza zikloa deskarbonizatzen laguntzeko. Iberdrolak, gainera, Irizarri aholkua emango dio taldearen jasangarritasunari laguntzen dioten eremu guztietan, besteak beste, energia eraginkortasuneko proiektuetan, autokontsumoan, etab.

Autobusen elektrifikazioa, bateriak birziklatzea eta birkarga adimenduneko azpiegitura

Enpresen arteko akordioak barne hartzen du hiriko autobusen flotak elektrifikatzeko proiektuen, proiektu erakusgarrien, I+G programen eta teknologia berriak garatzeko aldebiko proiektu espezifikoen azterketa bateratua, mugikortasun elektrikoari eta garraioaren elektrifikazioaren azelerazioari aplikagarri zaizkienak.

Proiektu horiek honako hauen gainean egin ahal izango dira: hirietako garraioko floten elektrifikazioa, Irizar e-mobilityko ibilgailuen bateriak birziklatzea eta berrerabiltzea, eta birkarga adimenduna, azpiegitura eta energiaren erabilera optimizatzeko.

Aliantzak bi konpainien gaitasunak eta estrategiak batzen ditu: Iberdrolak, eragile bultzatzaile gisa, garraioaren elektrifikazioa gidatzen du ekonomia deskarbonizatu baterantz; eta Irizarrek, berriz, autobusak eta industria ibilgailuak fabrikatzen eta merkaturatzen ditu, eta baita hirietako elektromugikortasunerako karga sistemak eta azpiegiturak ere.

Akordioak bi urteko indarraldia izango du, eta mugikortasun elektrikorako aukera bateratuak aztertzeaz gain, lankidetza-formulak aurreikusten ditu talde ekoizlearen kolaboratzaileen sarea deskarbonizatzeko.

Mugikortasun elektrikoa eta berreskurapen berdea

Irizar Taldeak irmo jarraitzen du mugikortasun iraunkorraren aldeko eta zero igorpeneko trantsizioaren lidergoaren aldeko apustuarekin hiri inguruneak hobetuz. Irizar e-mobilityren bidez, elektromugikortasuneko soluzioak eskaintzen ditu giltza eskura eran, garraio publiko jasangarri, eraginkor, adimendun, irisgarri, seguru eta konektatu baterako. Konpainia hedatu egin da Europan soluzio horiek inplementatu eta elkarlanerako eta banaketarako akordioak eginda.

Iberdrolak, bere aldetik, garraioaren elektrifikazioaren aldeko apustua egiten jarraitzen du ekonomia deskarbonizatu bateranzko bere trantsizio estrategian, emisioak eta kutsadura murrizteko funtsezko palanka bezala, eta munduaren errekuperazioa berdea izan dadin  COVID ostean.

Konpainiak 150 milioi euroko inbertsioa duen mugikortasun iraunkorreko plan bat hedatu du, eta horrekin, hurrengo urteetan ibilgailu elektrikoak kargatzeko puntuen hedapena areagotuko du.

Ekimenak 150.000 karga puntu inguru instalatzea aurreikusten du, etxeetan, enpresetan, kaleetan, hirietan eta autobide nagusietan. Estazioak hedatzearen aldeko apustua egiteko, estazio ultra-azkarrak (350 kW) instalatuko dira 200 kilometrotik behin, super-azkarrak (150 kW) 100 kilometrotik behin, eta azkarrak (50 kW) 50 kilometrotik behin.

Iberdrolak badaki Espainian elektromugikortasuna bultzatu behar dela, inplikatutako eragile nagusiekin koordinatutako ekintza eraginkor baten bidez. Ildo horretan, konpainiak dagoeneko azpiegitura hedatzeko 50 akordio baino gehiago sinatu ditu administrazio, erakunde, enpresa, zerbitzugune, kontzesionario eta ibilgailu elektrikoen fabrikatzaileekin.

Iberdrola izan da The Climate Group-en EV100 ekimena sinatu duen lehen enpresa espainiarra, ibilgailu elektrikoetaranzko trantsizioa bizkortzeko, eta hori lortzeko bere ibilgailu flota osoa elektrifikatzeko konpromisoa hartu du eta Espainian eta Erresuma Batuan 2030erako bere negozioetako langileei birkarga erraztekoa.

Irizarri buruz

Irizar nazioarteko presentzia duen enpresa talde bat da, eta gaur egun jarduera honako sektore hauetan du: bidaiarien garraioa, elektromugikortasuna, elektronika, motor eta sorgailu elektrikoak, konektibitatea eta energia.

Taldea zazpi markak osatzen dute eta haien produkzio jarduera 13 lantegitan gauzatzen dute. Lantegiak Espainia, Maroko, Brasil, Mexiko eta Hegoafrikan daude. Gainera, I+G zentroa dugu, helburutzat Taldearen produktu eta sistemen ikerketa aplikatua eta garapen teknologikoa dituena.

1889an sortua, Irizar talde sendoa da gaur egun. 3.000 pertsona baino gehiagok osatzen dute, eta bost kontinenteetan du presentzia komertziala. Geografia eta industria arloan dibertsifikatua, etengabe hazten ari da, eta apustu irmoa du egina markaren, teknologiaren eta iraunkortasunaren alde.

Irizar S. Coop da Taldeko enpresa matrizea eta egoitza nagusia Ormaiztegin dago (Gipuzkoa-Espainia). Hor dago Creatio ere, Taldearen Ikerketa eta Garapen Zentroa.

Irizar e-mobilityk (Irizar taldeko enpresa) hirietarako elektromugikortasun soluzio integralak ematen ditu, bai zero igorpeneko ibilgailu %100 elektrikoak fabrikatuz, bai energia kargatzeko, trakzionatzeko eta biltegiratzeko beharrezkoak diren azpiegitura sistema nagusiak fabrikatu eta instalatuz. Horiek guztiak Taldearen teknologiarekin diseinatu eta fabrikatzen dira %100, Irizarren zerbitzuaren berme eta kalitatearekin.

Iberdrolari buruz

Iberdrola energia enpresa global garrantzitsuenetako bat da (hirugarrena burtsako kapitalizazioan munduan eta liderra berriztagarrietan), energia isurketa gutxiko ekonomia baterantz doan trantsizio energetikoan aitzindaria. Taldeak 100 milioi pertsona ingururi energia hornitzen die dozenaka herrialdetan, eta berriztagarrien, sareen eta merkataritzako jarduerak Europan (Espainia, Erresuma Batua, Portugal, Frantzia, Alemania, Italia eta Grezia), Estatu Batuetan, Brasilen, Mexikon eta Australian garatzen ditu; bestalde, hazkunderako plataforma gisa mantentzen ditu beste merkatu batzuk, hala nola, Japonia, Irlanda, Suedia eta Polonia.

37.000 langile eta 122.518 milioi eurotik gorako aktiboekin, 2020an 33.000 milioi eurotik gorako diru sarrerak eta 3.611 milioi euroko irabazi garbia lortu zituen. Konpainiak 400.000 lanpostu mantentzen laguntzen du bere hornidura katean, urtero 14.000 milioi euroko erosketak eginez. Klima aldaketaren aurkako borrokan erreferente, 120.000 milioi euroko baino gehiago erabili ditu azken bi hamarkadetan eredu energetiko jasangarri bat eraikitzeko, ingurumen, gizarte eta gobernantza printzipio sendoetan oinarrituta.

AutoMOSTek ibilgailu autonomo eta konektatuaren ITS saria jaso du

Aduna, 2021eko uztailaren 16a

AutoMOSTek ibilgailu autonomo eta konektatuaren ITS saria jaso du, ITS Españak ematen duen saria.

Irizarren lehen autobus autonomo hau CDTIk, CIEN programaren bidez, finantzatutako AutoMOST proiektuaren emaitza da. Avanzak operadore gisa parte hartu du, 11 bazkiderekin batera, eta horien artean Irizar Taldea dago, Irizar e-mobility eta Datik-en bitartez.

Otsailean Malagako Udalak eta Avanzak edukiera handiko eta zero igorpeneko Irizar markako lehen autobus autonomoa jarri zuten martxan. Ie bus modeloko autobusa, 12 metroko luzera duena, %100 elektrikoa, zero igorpenekoa. Proiektu aitzindari bat, hiri batean benetako trafiko errealeko egoeran tamaina estandarreko ibilgailu bat zirkulazioan jartzea dakarrena.

Proiektu honek mugarri bereizgarri bat ezartzen duten bi ezaugarri ditu: bidaiariak garraiatzeko gaitasuna eta ibilgailu, oinezko eta azpiegiturekiko elkarreragina, benetako trafikoko baldintzetan.

Madrilgo Unibertsitate Politeknikoak, Insiak, CEIT-Ik4k eta Vigoko Unibertsitateak ere parte hartu dute proiektuan. I+G+b arloko proiektu pilotu bat da. Duela lau urte hasi zen eta, 2021ean amaitu da, aurreikusitako epeak betez.

Saria ostegun honetan eman dute IFEMAko Ferialekuan egindako galan, eta AutoMOST ibilgailu autonomo eta konektatuen alorrean nazio mailan proiektu garrantzitsuena dela aitortu dute.

AutoMOST proiektuak jasotzen duen bigarren saria da, iaz IEEE-ITSSek (Intelligent Transportation Systems Society) emandako Industria Garapenaren Saria jaso baitzuen.

AutoMOSTek berekin ekarriko du bidaiarien garraiorako etorkizuneko ibilgailu automatizatuetarako kontrol partekatuko sistemak (Dual Mode) ezartzea. Sistema horiek zerbitzuak modu eraginkorragoan eta malguagoan erabiltzea ahalbidetuko dute, azpiegitura adimendun eta konektatuen testuinguruan.

Irizar Taldearentzat erronka handia den proiektu hau etorkizuneko mugikortasunaren lehen urrats sendoa da, mugikortasun jasangarria, konektatua, segurua eta autonomoa.

Irizar e-mobilityri buruz

Irizar e-mobilityk hirietarako elektromugikortasun soluzio integralak ematen ditu, bai zero igorpeneko ibilgailua %100 elektrikoak fabrikatuz, bai energia karga, trakzio eta biltegiratzeko beharrezkoak diren azpiegitura sistema nagusiak fabrikatu eta instalatuz. Horiek guztiak Taldearen teknologiarekin diseinatu eta fabrikatu dira %100, Irizarren zerbitzuaren berme eta kalitatearekin.

Irizar e-mobility Irizar taldeko kide da, nazioarteko presentzia duen enpresa-taldea, eta honako sektore hauetan jarduten du: bidaiarien garraioa, elektromugikortasuna, elektronika, motor eta sorgailu elektrikoak, konektibitatea eta energia.

ITS Españari buruz

ITS España irabazi asmorik gabeko elkartea da, 2002an sortua, eta garraio sistema adimendunekin lotutako sektore publiko, pribatu eta akademikoa lotzea du helburu, mugikortasuna seguruagoa, jasangarriagoa eta eraginkorragoa izan dadin garraio modu guztientzat. ITS konprometituta dago, besteak beste, batzordeen bidezko sektore koordinazioan, ITS topaketen antolaketan, online argitalpenetan eta prestakuntzan.

 

Irizar e-mobilityren elektromugikortasun soluzioak Adunatik Tolosara

Aduna, 2021eko uztailaren 9a

Gaurtik aurrera Irizar ie tram autobus %100 elektrikoa martxan jarriko du Gipuzkoako Tolosa herriak.  

Ibilgailu moderno, abangoardista eta irisgarria da, tranbiaren estetika duena, Irizar e-mobility enpresak ekoiztua, bertako teknologia eta talentuarekin.

Gaur aurkeztu dute Egoitz Sorozabal Lurralde Arloko arduradunak, Patxi Amantegi Ingurumen zinegotziak, Imanol Rego Irizar  e-mobilityko zuzendari nagusiak eta Iñigo Azcona Irizar e-mobilityko  komertzial arduradunak Irizar ie tram autobus elektriko berria.

Tolosa herri jasangarriagoa bilakatzeko helburuaren baitan kokatzen da Legealdi Planean jasotako Hiribus elektrikoaren proiektua, estrategiko bezain garrantzitsua dena  eta dagoeneko martxan dagoena.

Egoitz Sorozabal, Lurralde Arloko arduradunaren hitzetan: “Aldaketa klimatikoaren erronka globalari tokikotasunetik ere erantzun behar diogu eta zentzu horretan, elektromugikortasuna eta trantsizio energetikoa lan lerro garrantzitsuak dira guretzat, horregatik, klima ekintzarekiko konpromisotik kutsadura murrizteko politika publikoak sustatzen eta egitasmo eta proiektu berriak abiarazten ari gara klima aldaketari modu integralean erantzuteko eta bide horretan, autobus elektriko berria proiektu estrategikoa da”.

 

Garraio publikoaren eta tokiko ekoizpenaren aldeko apustua

Tolosako hiri garraio kolektiboaren zerbitzu publikoa kudeatzeko kontratu berriaren baitan eskainiko da Hiribus zerbitzua zero igorpeneko autobus bidez.

Kontratu berria Autobuses Cuadra S.L. enpresari esleitu zaio 5 urtez eta kontratuaren barruan, Irizar e-mobility enpresak diseinatu, garatu eta ekoiztu du autobusa.

Imanol Rego, Irizar e-mobilityko zuzendari nagusiak Tolosako Udalari eta Autobuses Cuadrari eskerrak eman nahi izan dizkie tokiko ekoizpenaren alde egindako apustuagatik eta Irizar e-mobilityrengan jarritako konfiantzagatik “Harrotasunez betetzen gaitu gure autobus elektriko bat Tolosan operazioan ikusteak, gure lantegitik 12 kilometrotara. Irizar taldearen %100 teknologiarekin diseinatuta dagoen autobusa Adunan, Europako lehen elektromugikortasun lantegian, ekoiztu da bertako talentuarekin” azpimarratu du.

Patxi Amantegi ingurumen zinegotziaren hitzetan, “Mugikortasun jasangarriaren bidean, garraio publikoa indartu eta hobetu beharreko lan ildoa da; horregatik, hasiera honetan ibilbideak, ordutegiak eta tarifak mantenduko badira ere, jada ari gara Mugikortasun Plan berriaren baitan jasota dauden neurriak aztertzen eta autobusaren ibilbide eta ordutegian aldaketak txertatzen joango gara herritarrei eskainitako zerbitzua hobetzeko eta Hiribusa MUGI sisteman txertatzeko lanean ere bagabiltza”.

 

Irizar ie tram

Irizar ie tram autobusa  erabat elektrikoa, 0 igorpenekoa eta irisgarria da. Ibilgailu moderno eta abangoardista, tranbia baten ezaugarri estetikoak dituen autobusa. Xehetasun txikienak ere zaindu dira tranbiaren estetika lortzeko, adibidez, abatz-estalkiak edo atzerako ispiluak; azken horiek kamerekin ordezkatu dira eta irudiak gidariaren bi aldeetan dauden pantailetan agertzen dira ibilgailu barruan. Leiho baxuak ere gehitu dira, horrela bidaiariek zabaltasun eta argitasun-sentsazioa dute autobusaren barrualdean.

Ibilgailu honek 3 ate, 21 eserleku (horietatik 4 mugikortasun urriko pertsonentzako) eta aulki gurpildunentzako eta ume kotxeentzat 2 gune ditu.  Guztira 81 pertsona garraiatzeko gaitasuna du. Irisgarritasuna bermatuta dago, gurpildun aulkian doazen pertsonek baliatzeko arrapala elektrikoa baitu.

Ibilgailu hau ioi-litiozko Irizar bateriaz hornituta dago. Halaber, Irizarrek Jema Energyren (Irizar Taldeko enpresa) 100 kW-ko kargagailua ere hornitu du. Kargagailu honek hiru ordutan kargatuko du autobusa Combo 2 karga hartunearen bidez.

Entretenimenduari dagokionez, USB kargagailuak, WiFia, Braillez adierazitako pultsadoreak, bidaiariarentzako informazioa, etab. gehitu dira.

Irisgarritasunak, segurtasunak, zirkulazio-fluxuak eta bidaiarien erosotasunak ibilgailu honen barne-arkitektura inspiratzen dute.

 

Berna eta Liechtenstein, Irizar e-mobilityko zero igorpeneko autobusen hurrengo helmugak

Aduna, 2021eko uztailaren 8a

Irizar e-mobilityk, Suitzako bere bazkide Jebsen & Jessen Industrial Solutions Schweiz AGrekin batera, bere elektromugikortasun-soluzioak Europan ezartzeko estrategiarekin jarraitzen du eta 18 autobusen bi kontratu berri sinatu ditu Bernmobil eta BUS Ostschweiz autobus konpainiekin.

Kasu honetan, Bernmobil Suitzako operadoreak (Berna) zero igorpeneko ie bus modeloko 14 autobus erosi ditu 18 metroko artikulatutako bertsioan. Aurreikusten da autobusak Bernako 19 eta 21 lineetan ibiliko direla 2023 hasieran.

Bestalde, BUS Ostschweiz AGek, duela gutxi LIEMobil lineak erabiltzeko izendatua izan dena, Irizar e-mobility aukeratu du Liechtensteineneko zerbitzu elektrikoa betetzeko, eta laster zerbitzuan jarriko ditu zero igorpeneko 4 autobus Irizar 100% elektriko, 12 metro luze diren ie bus modelokoak, hain zuzen ere.

Autobus horiek dituzten bateriak ioi-litiozkoak dira, eta Irizar e-mobility enpresak Adunan (Gipuzkoa) dituen instalazioetan garatu eta fabrikatzen dira. Gainerako osagaiak eta sistemak ere Irizar Taldearen teknologiarekin sortu dira. Gaur egun Irizar e-mobilityk bigarren bizitza bat eskaintzen die bateriei, autobusetan bizi ziklo erabilgarria amaitu ondoren berrerabili ahal izateko, zerbitzuguneetan ibilgailu elektrikoak kargatzeko azpiegituretako biltegiratze elementu gisa.

Irizar autobus horiek, isilak eta ingurumena errespetatzen dutenak, mugikortasun kolektibo jasangarrirako funtsezko elementu bihurtuko dira, ingurumen inpaktua nabarmen murrizten eta herritarren bizi kalitatea hobetzen laguntzen baitute.

Zalantzarik gabe, bi kontratu horiek Europako merkatuan mugikortasun irtenbide iraunkorrak emateko Irizar Taldearen posizionamendu estrategiaren urrats bat dira.

Irizar e-mobilityk eta Jebsen & Jessen Hamburg Groupek distribuzio akordioa berritu dute

Aduna, 2021eko ekainaren 25a

Irizar e-mobilityk autobus eta kamioi elektrikoen salmenta eta salmenta osteko zerbitzuak eta karga azpiegiturak eskaintzen jarraituko du Alemania, Austria eta Suitzako merkatuetan Jebsen & Jessen Industrial Solutions enpresaren bidez.

Argazkian, bi enpresetako ordezkariak VBSH bezeroaren autobus elektrikoaren aurrean daude.

Zaragozako Udalak eta Avanzak Irizar e-mobilityko autobus elektrikoen aldeko apustua egin dute flota berritzeko

Aduna, 2021eko ekainaren 18a

68 unitate erosiko dira guztira, horietatik 51 unitate 12 metrokoak izango dira eta 17 artikulatuak. Autobus horiek arian-arian sartuko dira zerbitzuan, datorren urteko azken seihilekotik aurrera eta Avanzak operatuko ditu.

Irizar e-mobilityrentzat autobus elektrikoen orain arteko proiekturik handiena da. Zalantzarik gabe, proiektu aitzindaria eta erreferentea da, herritarren bizi kalitatea hobetzen eta atmosferari CO2 tonak kentzen lagunduko duena.

Zaragozako Udalak gaur aurkeztu du autobus elektriko modelo berria; horretan oinarrituko da bere flota berritzeko datorren urtearen amaieratik aurrera.  Irizar e-mobilityren ie tram bat da, diseinu futuristako autobus %100 elektrikoa, zeinarekin zero igorpeneko teknologia batera aldatzea bistako bihurtzeaz gain Zaragozako hiri autobusen alderdi estetikoari bira bat emango zaion. Ibilgailu hori datozen hiru asteetan probatan ibiliko da hirian zehar, eta autobus bikoitzekin lan egiteko gaitasuna duten hainbat lineatan emango du zerbitzua, hala nola 23an.

Aurkezpenean Jorge Azcón Zaragozako alkateak, Natalia Chueca Zerbitzu Publiko eta Mugikortasun sailburuak eta Valentín Alonso Avanza taldeko zuzendari nagusiak hartu dute parte. Gainera, Guillermo Ríos Zaragozako Avanzako zuzendaria eta Txema Otero Irizar e-mobilityko Espainia eta Portugaleko zuzendari komertziala ere bertan izan dira.

Zaragozako Gobernuak erabaki berri du hemendik aurrera Zaragozan zerbitzua ematen hasiko diren autobus guztiak elektrikoak izango direla. Zaragozak hiri klimatikoki neutroaren aldeko apustua bikoiztu du horrela. Gaur egun, hiriak mota honetako (zero igorpen) 4 autobus ditu eta 111 hibrido. Gainerakoak, 352ra arte, dieselak dira.

Autobus diesel bakoitzaren ordez elektriko bat jartzeak bizitza erabilgarri osoan zehar isuriko dituen 1.700 tona CO2 aurreztea dakar. Kalkuluen arabera, flota osoa ibilgailu elektrikoekin ordezkatzen denean, Zaragozak 621.000 tona CO2 isuri aurreztuko ditu.

Flota elektriko baterako trantsizioa bat dator Next Generation EU Planaren barruan kokatutako Berreskuratze, Eraldaketa eta Erresilientzia Planarekin. Plan horrek, ziurrenik, Europaren finantzaketa jasoko du, eta, beraz, Zaragoza ondo kokatuta dago hurrengo deialdietan laguntzak jaso ahal izateko. Hain zuzen ere, alde horretatik, autobus horiek hornitzeko Europako enpresa bat hautatzea erabakigarria da Europako laguntza ekonomiko horiek berme handiagoekin lortzeko. Eta Zaragozako udalarentzat pisuzko elementua izan da Irizarren ie tram aukeratzeko orduan.

Harro egoteko modukoa da Irizar e-mobilityrentzat Zaragozako hiriaren deskarbonizazioaren helburuak lortzen lagundu ahal izatea eta Avanzarekin lankidetzan aritzea, azken hau mugikortasun iraunkorraren aldeko eta zero igorpeneko trantsizioan lider izateko apustu irmoa egiten ari baita hiri inguruneak hobetzeko, azken urrats honek erakusten duen bezala.

Diseinua eta azken belaunaldiko teknologia

Irizar ie tram autobusa %100 elektrikoa da eta zero igorpenekoa. Tranbiaren ezaugarri estetikoak ditu. Horrenbestez, konbinatu egiten ditu tranbiak berezkoak dituen gaitasun handia, sarbide erraztasuna eta barneko zirkulazioa, eta hiri autobus baten malgutasuna. Modelo hau 12 m-tik 18 m-ra (artikulatua) arteko bertsioetan garatzen da, eta 145 pertsonarentzako edukiera dauka. Litio-ioizko bateriak Irizarrek garatu eta fabrikatutakoak dira.

Irizar ie tram hizkuntza estetiko minimalistatik abiatzen da, apaingarririk gabe, eta bere ezaugarri guztiek alderdi funtzional zehatzei erantzuten diete. Horri esker, erabiltzaileek berehala identifikatzen dituzten identitatea eta irudia dauzka. Irisgarritasuna, segurtasuna, zirkulazio fluxua eta bidaiariaren erosotasuna hartu dira kontuan. Beraz, leku argitsu, eroso, zabal, atsegin eta segurua da.

Irizar ie truck kamioi elektrikoa Europara iritsi da

Aduna, 2021eko ekainaren 11

Suitzarako Irizar ie truck kamioi elektriko berri batek bat egingo du joan den astean iragarritako 10 unitateen serieko ekoizpenarekin.

Irizar e-mobilityk beste kamioi elektriko bat egingo du, eta joan den astean iragarritako  serieko ekoizpenari gehituko zaio. Ibilgailu hori Jebsen & Jessen Industrial Solutionsekin lortutako akordioaren emaitza da, eta Europara iritsiko den lehena izango da, Suitzara hain zuzen ere.

Kamioi %100 elektrikoa da, 3 ardatzeko 6X2 konfigurazioko txasisarekin. Ibilgailu horiek ioi-litiozko Irizar bateria izango dute, 340 kWh-ko gaitasunarekin. Combo 2 karga hargunearen bidez kargatuko da 3,5 ordutan, Jema Energyko (Irizar taldeko enpresa) kargadore baten bidez, hau ere Irizar e-mobility-k hornituta. Kamioiak 27 tona arteko karga gaitasuna izango du. Mugarik gabeko aplikazioetan erabil daitekeen ibilgailua da, bai hondakinak biltzeko, bai hiri-banaketako lanetarako.

Energia eraginkortasuna, segurtasuna, irisgarritasuna, moldakortasuna eta ingurumen onurak dira ibilgailu hau definitzen duten ezaugarririk esanguratsuenetako batzuk.

Irizarren ie truck kamioi 100% elektrikoa da,  isila eta ingurumena errespetatzen duena, FCC Ingurumenarekin batera garatua, 110 urte baino gehiagoz hiri-zerbitzuak ematen dituen enpresa. Merkatuaren hainbat premiari erantzuten die, eta hirietan eta hiri inguruetan zirkulatzea ahalbidetzen du kutsadura atmosferikorik eta akustikorik sortu gabe. Horrek hiri garbiagoa eta herritarrentzat ingurune jasangarriagoa dakar.

Irizar Taldeak garatutako teknologiaz hornitua, ie truckak egonkortasun kontrol elektronikoa du (ESP), suspentsioaren nibelazio egokitzailea eta larrialdiko balaztatzeari laguntza (AEBS), bere eragiketaren segurtasun optimoa bermatzeko. Era berean, kamera bat eta aurrez aurreko radar sentsore bat daramatza errei aldaketa antzemateko (LDWS).

Kabinako sarrerak 370mm-ko maila irisgarri bakarra dauka, eta horri esker, modu seguruan sar daitezke nola gidaria hala laguntzaileak. Ate pneumatiko baskulagarriak, ibilgailuaren barnealderantz, aukera ematen die langileei mugitzeko kaleetan oztoporik izanez gero. Ate horrek harrapatzeen aurkako sentsoreak, fotozelula bat eta orrian ertz sentikorra integratzen ditu, aplikazio azeleratuenetan ezustekorik gerta ez dadin. Kabinak, gainera, laguntzaileentzat tolesgarriak diren eserlekuak ditu, eta horrela oztoporik gabeko korridore bat sortzen da jasotakoan.

Ie truckean zuzeneko ikusmen baldintza gaindiezinak sortzen dira, eserlekua baxu dagoelako eta aurrealdeko, alboko eta atarietako beiren zabalerari esker. Kasu zehatz honetan, gainera, atzerako ispiluen ordez, bi kamera digital ditu. Kamera horiek irudiak proiektatzen dituzte gidariaren postuan dauden pantailetan, eta horrek gidariaren ikuspena hobetzen du. 

Zalantzarik gabe, Irizar ie truck Irizar Taldeak merkatuaren beharretara egokitzeko duen gaitasunaren beste adibide bat da, aukera berriak eskaintzen baitizkie emisio gutxiko guneak dituzten hiriei, eta horrek jasangarritasunari eta hiri bizigarriagoak sortzeari lagunduko dio.

Gogoratu behar da Irizar e-mobilityk autobus elektrikoen salmenta eta salmenta osteko zerbitzuak eta karga azpiegiturak eskaintzen dituela Alemania, Austria eta Suitzako merkatuetan Jebsen & Jessen Industrial Solutions enpresaren bidez.

Irizar autobus elektriko berriak TMBren flotan

Aduna, 2021eko ekainaren 9a

Laster ibiliko dira Bartzelonan zehar Irizarren zero igorpeneko bederatzi autobus elektriko; zehazki, H16 linean (Pg. Zona Franca - Fòrum Campus Besòs). Autobus berri horiek  2019az gero hirian dabiltzan Irizar autobusei batuko zaizkie.

Gaur egin da aurkezpen ekitaldia, Bartzelonako Maria Kristina Erregina etorbidean. Han izan dira Bartzelonako alkatea eta AMBko lehendakaria, Ada Colau, Governeko lehendakariordea eta Kataluniako Generalitateko Politika Digitalen eta Lurraldearen kontseilaria, Jordi Puigneró, Transports Metropolitans de Barcelonako (TMB), Rosa Alarcón, bai eta Irizar e-mobilityko ordezkariak ere.

Irizar ie tram modeloko ibilgailuak dira: 18 metroko luzera, 4 ate, 36 eserleku, gidariarentzako beste eserleku bat, aulki gurpildunetan doazenentzako gune bat eta haur kotxeentzako gune bat dituzte. Ibilgailuak 236 kW-ra arteko Alconza motor batek (Irizar taldeko enpresa) higiarazten ditu, eta ioi-litiozko Irizar bateriek elikatzen dituzte. Ibilbidean doazenean, 4 minutuan kargatuko dira, hiriko bi puntutan instalatutako pantografo bidezko karga ultralasterreko azpiegituren bidez.

Gidatzen laguntzeko sistemez hornituta daude, eta, horri esker, seguruago eta eraginkorrago gidatu daiteke. Gainera, atzerako ispiluen ordez, bi kamera digital dituzte. Kamera horiek irudiak proiektatzen dituzte gidari postuan dauden pantailetan, eta horrek gidariaren ikusgaitasuna hobetzen du. Entretenimendurako, ibilgailuaren barretan USB hartuneak jarri dira, bidaiariek telefonoa kargatu ahal izateko eta wifia izan dezaten.

Bartzelona hiriak asmo handiko helburuak ditu iraunkortasunari dagokionez. Irizar e-mobilityn benetan harro gaude horretan lagundu ahal izateaz; izan ere, ingurumena errespetatzen duten ibilgailuekin Bartzelonako biztanleen bizi kalitatea hobetu, eta deskarbonizazioa bultzatuko da.

Konponbideak operadore bakoitzaren beharrizan espezifikoetara egokitzeko Irizar e-mobilityk duen gaitasunaren beste adibide bat dugu hau, eta argi geratu da “giltza eskura” rako konponbideak ematen ditugula garraio kolektibo iraunkor, eraginkor, adimendun, irisgarri, seguru eta konektatua izateko.

FCC Ingurumenak eta Irizarrek adostu dute Irizar ie urban truck modeloko lehen 10 kamioiak produzitzea

Aduna, 2021eko ekainaren 3a

FCC Ingurumenak eta Irizarrek erabaki dute hondakinak biltzeko Irizar ie urban truck lehen 10 kamioi elektrikoak seriean ekoizten hastea. Europako hainbat hiritan egindako proben emaitza bikainek eta operadoreen gogobetetzeak ekarri dute erabaki hau .

10 unitate horiek seriean ekoizteak bi eta hiru ardatzeko 4x2 eta 6x2 bertsioak biltzen ditu, eta hiri zerbitzuetako ibilgailuetan zentzuzko e-mugikortasuna ezartzen laguntzeko behin betiko bultzada ematen du metropoli eremuetan, ingurumen inpaktu positibo handiarekin emisio kutsatzaileei eta zaratari, karbono aztarna murrizteari eta energia eraginkortasunari dagokienez.

Irizar ie urban truck kamioia % 100 elektrikoa da, zero igorpenekoa, eta merkatuaren hainbat beharrizani erantzuten die. Hiri eta hiri inguruneetan zirkulatzeko aukera ematen du ibilgailu arrunt batek baino soinu, kutsadura eta CO2 gutxiagorekin eta energia kontsumoa %50 murriztuz. Hori dela eta, egokia da goizean goiz edo gauean lanak egiteko, eta hirietako igorpen baxuko guneetara sartzeko.

Irizar Taldeko enpresek garatutako teknologia propioa du trakzio elektrikoari, energia biltegiratzeari eta kontrolerako elektronikari dagokienez, eta udal zerbitzuen benetako beharrei dagokionez FCC Ingurumena enpresaren 110 urtetik gorako esperientziarekin konbinatuta. 

Diseinua, funtzionalitatea eta irisgarritasuna dira merkatuan bakarra egiten duten ezaugarrietako batzuk, estetika apurtzailea, erakargarria eta irisgarria duen ibilgailua. 

Kabinarako sarbideak 370mm-ko maila irisgarri bakarra du, eta, beraz, egungo merkatuan sarbiderik baxuena duen ibilgailua da. Horrek, aldi berean, zirkulazio segurua ematen die gidariei eta laguntzaileei. 

Gidariaren postua garatzeko, ezinbestekoak izan dira erosotasuna, segurtasuna, ikuseremu optimoa eta aginte, kontrol eta aurreko paneleko pantailarako irismen ergonomikoa.

Gogoan izan behar da Sustainable  Urban Mobility SUM kongresuaren testuinguruan aurkeztu zela, Bilbon, 2019an, eta lehen prototipoa hondakinak biltzera bideratu zela, FCC Ingurumenarekin lankidetzan.  Ideia berritzailearen kategorian World Smart City Awards saria irabazi zuen, 2019ko Smart City Expo World kongresuan. Enpresarentzako Europako Ingurumen Sarien (EBAE sariak) 2019-2020 edizioan saria jaso zuen produktua eta/edo zerbitzua kategorian, hiriko zerbitzuetarako eraginkortasun handiko trakzio elektrikoko plataforma modular eta autoportanteak proiektuagatik.  Aurten, Editec taldeak emandako 2021. urteko Industria Ibilgailu Ekologikoa saria irabazi du.

Zalantzarik gabe, hainbat administrazio publikok garraio jasangarriago baten aldeko apustua egingo dute, eta FCC Ingurumena eta Irizar ezin hobeto prestatuta daude gaur egun hori posible egiteko.

 

Image