Garraio Publikoaren Erosketa Zentralak (CATP) Irizar ie tram autobusa erreferentziatu du

Garraio Publikoaren Erosketa Zentralak (CATP) Irizar ie tram BRT autobus %100 elektrikoa bi luzeratan erreferentziatu du: 12 metroko bertsioa eta 18 metroko bertsio artikulatua.

Garraio Publikoaren Erosketa Zentrala (CATP) aditua da garraio publikoaren erosketetan. AGIR Transportek erosle publiko guztiei eskainitako zerbitzua da. 

Autobusa produktu erreferentziatuen katalogoan sartzeak aukera ematen die erosle publiko frantsesei ibilgailuak zuzenean CATPren bidez erosteko.

Erreferentzia hori beste urrats bat da Irizar e-mobility markak Frantziako merkatuan duen presentzia indartzeko estrategian. Hala, 2019az gero, hainbat Irizar ie tram dabiltza Frantziako zenbait hiritan, besteak beste, Baionan, Orleansen eta Aix-en Provencen.

Irizar ie tram modeloa

Irizar ie tram diseinu abangoardistagatik nabarmentzen da. Irudi hori bat dator gure planeta errespetatzen duten ingurune bizigarriagoen aldeko apustua egiten duten hiri modernoekin. 

Bere ezaugarri nagusien artean hauek nabarmentzen dira: diseinua, bere ezaugarri estetikoek tranbia bat gogorarazten baitute; abatz estalkiak; atzerako ispiluak, ibilgailuaren barruan gidariaren bi aldeetan dauden bi pantailatan irudiak proiektatzen dituzten kamerekin ordezkatu direnak; eta ibilgailuaren bolumena inguratzen duen eraztun perimetral kromatua. Eraztun perimetralak alboetako kristalezko azalera handia barne hartzen du.

Irizar ie tram autobusak hainbat sari jaso ditu urte hauetan zehar. 2018ko autobus onenaren saria, 2018ko Espainiako ibilgailu industrial ekologikoari saria eta 2024ko ‘Muévete Verde’ saria, Garraioaren deskarbonizazioa kategorian, besteak beste.

Ibilgailua 12 eta 18 metroko luzeretan dago eskuragarri; horrez gainera, GSR2 ADAS araudi berria betetzen du eta ibilgailuaren zibersegurtasuna txertatuta dauka, bai eta punta-puntako bateria sorta ere. Dauzkan beste ezaugarri batzuk diseinu arinagoa eta trinkoagoa duen sistema traktore berria eta pertsonalizaziorik handiena ahalbidetzen duen HMI digital berria dira.