Irizar ie bus Efficient 12 m - Produktuaren Ingurumen Adierazpena (EPD)

12 metroko Irizar ie bus Efficient autobusak Produktuaren Ingurumen Adierazpena (EPD) lortu du. EPD, hain zuzen, III motako ingurumen adierazpena da, ISO 14025 arauaren arabera, eta produktu batek bere bizitza zikloan zehar duen ingurumen jarduerari buruzko informazio objektiboa, gardena eta hirugarrenek egiaztatua ematen du. Dokumentazio mota horrek nazioarteko aitortza du.

Ziurtagiri honek gure jasangarritasun estrategia indartzen du, abiaburutik bertatik indarrean daukaguna, eta gure produktuek eragindako ingurumen inpaktua murrizteko konpromiso irmoa islatzen du.