Irizar Intermobility and Bus Expo azokan

Irizar Taldeak IBE Nazioarteko Azokan Irizar i3 II klaseko ibilgailu elektriko berria aurkeztuko du, eta baita ibilgailu integralen belaunaldi berria ere, are eraginkorragoak.

Irizar Taldeak berrikuntza eta teknologia gaitasun handia erakutsiko du IBEn, ibilgailu eraginkor eta iraunkorren gama berria aurkeztuz, bai eta mugikortasunaren eta deskarbonizazioaren etorkizunerako giltzarri izango diren berrikuntza teknologiko ugari ere.

A1 Halleko 001 standean, Irizarrek eta Irizar e-mobilityk azken belaunaldiko bost Irizar ibilgailu erakutsiko dituzte: II klaseko Irizar i3 elektriko berria, Scania txasis gaineko Irizar i6S Efficient unitate bat, hiru ardatzeko Irizar i8 unitate bat, Irizar i6 bat eta Irizar ie tram hiri ibilgailu elektrikoaren unitate bat. Horrez gain, Irizarrek beste hiru ibilgailu erakutsiko ditu, bat kanpoaldeko pistan, beste bat barrualdeko igerilekuan eta azkena azokako sarrera nagusian.

Erakusgai dauden ibilgailu guztiek berrikuntza garrantzitsuak dituzte teknologiari, diseinuari, iraunkortasunari eta kontsumo murrizketari dagokionez. Diseinu erabat berritua duen II klaseko Irizar i3 low entry berria aurkezten dugu, bai eta Irizar txasis integralaren belaunaldi berria duen ibilgailu gama ere, arinagoa, erosoagoa eta kontsumoaren % 5eko murrizketarekin. Gainera, merkatuko segurtasun eta zibersegurtasun sistema zorrotzenak dituzte, gidariaren lanpostua hobetuta, erloju koadroaren birdiseinua, pisu murrizketak eta kontsumo eta emisio hobekuntzak barne hartzen dituena. Era berean, eta Busworld 2023an aurkeztu ondoren, Hidrogeno bidez propultsatutako Irizar i6S Efficient delakoa erakutsiko dugu lehen aldiz estatuan.

Irizarren etorkizuneko mugikortasun iraunkorrean funtsezko aktore izan nahi dugu. Horretarako, gure ahalegin guztiak deskarbonizaziora, hirien elektrifikaziora eta gure ibilgailuen kontsumo eta emisioen murrizketara bideratzen ditugu. Argi dugu etorkizuna multiteknologikoa izango dela, eta horretarako prest gaude.