Skip to main content
Luxenburgok zero igorpeneko Irizar ie bus ereduko 21 autobus izango ditu

Luxenburgok zero igorpeneko Irizar ie bus ereduko 21 autobus izango ditu

Aduna, 2018ko urriaren 25

Voyages Emilie Weber taldeak 18 m-tako, zero igorpeneko 14 Irizar ie bus autobus berri, %100 elektriko eskuratu ditu. Hauek dagoeneko errendimendu osoan Luxenburgotik ibiltzen diren 12 m-tako 7 Irizar ie bus-ei elkartzen zaizkie. Gaueko karga bidez jarduten duten 18 m eta 525 kWh-ko lehenengo autobus artikulatuak dira. Halaber, eskurapen honek konpontze eta mantentze kontratuak hartzen ditu barne.

Gaur egun Irizar-ek, haren zerbitzu-estrategiaren emaitza gisa, kalitatezko salmenta ondoko zerbitzu esklusibo bat du Luxenburgon, operadoreari konpontze eta mantentze paketeak (R&M) eskaintzeko. Tokiko aditu teknikoek eta kontratatutako langileek kudeatzen dute zerbitzu hori eta horrek, aldi berean, aberastasun eta tokiko enplegua sortzera lagundu du.

Kontratuak zero igorpeneko Irizar ie bus ereduko 18 m-tako 14 autobus elektriko artikulatuen emate eta mantentzea hartzen du barne, eta baita haien kargarako azpiegiturak ere.

Irizar ie bus-ak Irizar Taldeko teknologia erabiltzen du, bai elektronikan eta komunikazioetan zein ibilgailuaren sistema nagusietan: power train, baterien moduluak eta karga-sistemak.

3 ate ditu eta 51 eserleku, besaulki 1 gidariarentzat, 4 besaulki tolesgarri eta 2 gune gurpil-aulkientzako; guztira 104 bidaiarientzako gaitasun totala du. Ibilgailu hauek 200-220 km-ko autonomia dute eta gauean zehar kargatuko dira, Irizar Taldeak ere garatutako eta fabrikatutako 14 kargagailu elkar-eragingarrien bidez, Combo– CCS2 motatako karga-hargunea dutenak.

Lehen ibilgailuak 2019ko martxotik aurrera emango dira.

Voyages Emile Weber taldea Luxenburgoko bidaiarien garraiorako konpainiarik handienetakoa da. Garraio-zerbitzuetan bikaintasuna lortu du eta arrakastatsua da haren balioengatik: kalitatea, erantzukizun-zentzua, tradizioa eta berrikuntza.

Kontratu berri honen sinadurarekin, Voyages Emilie Weber taldeak garraio publikoa elektrifikatzen jarraitzen du, bere |empoweringMobility| proiektuaren barruan, zeinak mugikortasunaren elektrifikazioa, jasangarritasuna eta hiriaren zein hiritarren bizi-kalitatearen hobekuntza duen helburu.

Proiektuaren datuak

- Ibilgailuak: 18 metroko luzerako 14 Irizar ie bus

- 51 eserleku (besaulki 1 gidariarentzat, 4 besaulki tolesgarri, 4 gune mugikortasun urriko pertsonentzako eta 2 gune gurpil-aulkientzako) 104 pertsonentzako gaitasuna

- 200-220 kilometroko autonomia

- 3 ate eta arrapala elektrikoa

Ibilgailu konektatua: Ibilgailu bakoitzak barretan USB-harguneak izango ditu telefonoa kargatzeko, eta bidaiarientzako wifi-a ere izango du.

Ibilgailuen karga: Ibilgailuak gauean zehar kargatuko dira.