Zarautzek Irizar e-mobilityren autobus elektrikoen aldeko apustua egin du

Aduna, 2024ko urtarrilaren 19a

Zarauzko Udalak Irizar e-mobility enpresari esleitu dio zero igorpeneko %100 elektrikoak diren 3 autobus fabrikatzeko eta hornitzeko kontratua.

Aukeratutako modeloa 12 metroko Irizar ie bus da, zero igorpenekoa, ingurumen-onurak eta zarata-maila minimoak dakartza eta ustiapen-kostu ezin hobea bermatzen du.  

Ibilgailu hauek 30 eserleku, gurpil-aurkako gune bat eta MMPko 4 eserleku dituzte, 75 bidaiari eramateko ahalmenarekin. Irisgarritasuna errazteko, 3 ate dituzte, barruan zirkulazio arina ahalbidetzen dutenak.

Autobus hauen kargak gauez egingo dira, karga geldoaren bidez, eta bi posizio izango dituzte lehen ardatzaren gainean, ezkerraldean zein eskuinekoan.

Iñigo Etxeberria Irizar e-mobilityko Zuzendari Nagusiaren hitzetan, “Zarauzko Udalarekin lankidetzan aritzeak ilusio berezia egiten digu, batez ere Zarautzekiko gertutasunagatik eta gure familiei gure produktua erabiltzeko ematen digun aukeragatik. Harro gaude zarauztarren bizi-kalitatea hobetzen laguntzeaz, udalerriko mugikortasun iraunkorra eta osasungarria sustatuz”.

Bestalde, Zarauzko Udaleko Mugikortasuneko zinegotziak Iker Basurko adierazi duenez “Zarauzko hiri-autobusen flota elektrifikatzeko unea iritsi da, eta Irizar bezalako enpresa baten eskutik egitea oso albiste positiboa da. Gertuko enpresa honen ibilbide luzeak eta egiten jakiteak, mundu osoan aitortua izanda, bermatzen du laster hiru autobus berri %100 elektriko izango ditugula Zarautzen”.

Zalantzarik gabe, ibilgailu hauek %100 elektrikoak, zero igorpenekoak eta iraunkorrak, Zarauzko garraio publikoa deskarbonizatzeko proiektuari lagunduko diote.